Ысык-Көлдө Бүткүл дүйнөлүк балык уулоо күнүнө арналган “Борбордук Азиядагы жана Кавказдагы балык уулоо жана аквакультура боюнча Регионалдык комиссиянын (CACFish) жумуш программасынын алкагындагы Ысык-көл көлүндө балык уулоону башкаруу боюнча сунуштар” аттуу темадагы Улуттук семинар болуп өттү. Ага Суу ресурстары, айыл чарба жана кайра иштетүү өнөр жайы министрлигингин атынан Балык өнөр жайы комплекси департаменти катышты.
Иш-чарага андан тышкары ФАОнун, КР УИА Биология институтунун, КУАУнун, Ысык -Көл биосфералык аймактын, адистештирилген балык өстүрүүчү кооперативдин, КР жаратылыш ресурстары Министрлигинин аймактык өкүлчүлүктүн, коомдук бирикмелердин өкүлдөрү катышты.
Семинардын максаты Ысык-Көл көлүнүн балык ресурстарын баалоонун учурдагы абалынын натыйжалары жана рамкалык изилдөөлөр менен тааныштыруу, ошондой эле, кызыктар жактар менен биргеликте Ысык-Көл көлүндө балык уулоону башкаруунун планына сунуштарды иштеп чыгуу.
