Мөмө-жемиштерди экспорттоонун көлөмүнүн көбөйүшү менен экономикалык өсүш жогорулап, жумушчу орундарды түзүп, материалдык-техникалык базаны чыңдап, айыл жергесинде киреше деңгээлин жогорулатат. Мындан тышкары, ал кошумча дыйкандарды нарк чынжырчасын түзүүгө кошууга мүмкүндүк берет.
Дүйнөлүк банктын АРИС жана ККА тарабынан ишке ашырылган Ош облусунун жана Ош шаарынын “Региондордун экономикалык өнүгүүсү” долбоорунун алкагында, КР МЭФ жана Айыл чарба министрлигинин колдоосу астында мөмө-жемиш өстүрүүдө нарк чынжырчасы түзүлөт.
Натыйжада, интенсивдүү багбанчылыкты өнүктүрүү, айыл чарба продукциясын кайра иштетүү жана экспорттук потенциалын жогорулатууга өбөлгө түзгөн алдыңкы технологияларды колдонуу менен ресурстарды үнөмдөөчү инновациялык технологияларды пайдалануу менен күнөсканаларды өнүктүрүү күтүлүүдө.
