Кыргыз Республикасынын Улуттук статистика комитетинин 95 жылдыгына карата 21 кызматкерге ведомстволук сыйлыктар тапшырылды, тактап айтканда, алардын 13ү “Кыргыз Республикасынын жергиликтүү өз алдынча башкаруунун мыктысы” төш белгисин жана 8и агенттиктин Ардак грамотасы менен сыйланды.
Улуттук статистика комитети мамлекеттик бийлик органдарына жана коомчулукка өлкөдө болуп жаткан негизги экономикалык, социалдык, демографиялык жана экологиялык процесстер жөнүндө статистикалык маалыматтарды үзгүлтүксүз берип турат.
Кошумчалай кетсек, Кыргыз Республикасынын Улуттук статистикалык комитети өз ара кызматташуу боюнча “Санарип аймак” автоматташтырылган маалымат тутумун жергиликтүү өз алдынча башкаруу органдарынын ишмердүүлүгүнө киргизүү боюнча бир катар келишимдерге ээ. Бул китептерди электрондук форматта жүргүзүүнү автоматташтырууга өбөлгө түзөт. Бүгүнкү күндө 26,3% республиканын жарандарынын жана 38,3 % үй чарбаларынын маалыматтары “Санарип аймак” АМТга киргизилген.
