2025-жылы соода – логистикалык борборлор үчүн беш, мөмө – жемиш продукциясын агрегациялоо жана/же жыйноо максатында – 25, сактоо жана алгачкы иштетүү объекттери үчүн-25, муздаткыч кампалар үчүн 18 насыя берүү мерчемделүүдө. Насыялар ”Айыл банк” ААК жана башка финансы институттары аркылуу берилет. Долбоордун максаты – айыл жергесинде киреше алып келген багыттарды түзүү, эмгек өндүрүмдүүлүгүн жогорулатуу менен байланышкан, анын натыйжасында ички жана эл аралык рынокторго жаңы жана кайра иштетилген жашылча-жемиш продукцияларын жеткирүүнү жакшыртуу болуп саналат. Долбоор Суу ресурстары, айыл чарба жана кайра иштетүү өнөр жайы министрлиги тарабынан аткарылат. Каржылоо үчүн 40 млн АКШ долл. өлчөмүндө кредиттик жана гранттык каражаттар каралган.
