Суу ресурстары, айыл чарба жана кайра иштетүү өнөр жайы министрлигинин Жерди жана сууну көзөмөлдөө боюнча кызматы, Улуттук коопсуздук мамлекеттик комитетинин катынын негизинде Жалал-Абад облусунун Шамалды-Сай шаарчасында жайгашкан №108 кесиптик-лицейге текшерүү жүргүздү.
Текшерүүнүн натыйжасында, 2003-жылы ошол мезгилдеги жетекчилик өзүнүн жеке кызыкчылыгын көздөп, №108 кесиптик-лицейге тиешелүү болгон 65 сотых жерди менчиктештирип алганы аныкталды.
Жыйынтыгында, КР Президентинин 1995-жылдын 16-февралындагы № 37 “Социалдык инфраструктура объекттерин мындан ары пайдалануунун шарттарын камсыз кылуу боюнча кечиктирилгис чаралар жөнүндө” Жарлыгынын негизинде, 9млн 100миң сомду түзгөн 65 сотых жер тилкеси кайра мамлекеттин эсебине кайтарылды.
