Бүгүн Кыргыз улуттук агрардык университетинде Суу ресурстары, айыл чарба жана кайра иштетүү өнөр жайы министрлигинин колдоосу менен “Агрардык илим – КМШнын Айыл чарба өндүрүшү жана BRICS” форуму өтүп жатат.
Бул илимий-практикалык форум тажрыйба алмашуу үчүн биргелешкен аянтча болуп саналат. Аталган иш-чара агрардык сектордун алдында турган кыйынчылыктар менен натыйжалуу күрөшүүгө мүмкүндүк берет жана азыркы шартка өзгөчө актуалдуу.
Форумга бир катар өлкөлөрдүн алдыңкы окумуштуулары, Россия Федерациясынан, Казакстандан, Монголиядан, Беларустан, Азербайжандан, Өзбекстандан келген чоң делегация катышууда.
