Суу ресурстары, айыл чарба жана кайра иштетүү өнөр жайы министрлигинин Ветеринардык кызматынын “Ак-Тилек” чек ара ветеринардык көзөмөлдөө пунктунун инспекторлору тарабынан Казакстан Республикасынан Кыргызстандын аймагына 626 400 даана өлчөмүндө тооктун жумурткасы мыйзамсыз жол менен ташылып келе жаткандыгы аныкталган.
Тактап айтканда, Кыргыз Республикасынын Министрлер Кабинетинин 2024-жылдын 6-июнундагы номер 293 токтому менен өлкө аймагына тоок жумурткасын импорттоого убактылуу чектөө киргизилген. Инспекторлор тарабынан тиешелүү артка кайтаруу актысы түзүлүп, жүк “Ак-Тилек” көзөмөл өткөрүү жайы аркылуу Казакстан Республикасына артка кайтарылды.
