Суу ресурстары, айыл чарба жана кайра иштетүү өнөр жай министрлиги Кытайга айыл чарба продукциясын экспорттоону көбөйтүү үчүн шарттарды түзүү иштери уланып жатканын билдирет. Министрлер Кабинетинин 2024-жылдын 23-июлундагы №441-р тескемеси менен Кыргыз Республикасынан Кытай Эл Республикасына өрүктү экспорттоодо фитосанитардык талаптар жөнүндө Протокол бекитилген. Андан ары Протоколду ишке ашыруу үчүн өрүк өстүрүлгөн Кыргыз Республикасынын аймагында ыйгарым укуктуу органдардын биргелешкен кыргыз-кытай инспекциясын уюштуруу зарыл. Жакында өрүк өндүрүүчүлөр Кытайдын рыногуна чыгууга мүмкүнчүлүк алышат.
Муну эске алуу менен биз өрүк өндүрүүчүлөргө кытайлык өнөктөштөрдү издөөнү жана өрүктү жеткирүү боюнча фьючерстик келишимдерди түзүүнү сунуштайбыз.
