![](https://agro.gov.kg/wp-content/uploads/w650-1024x576-2.jpg)
2024-жылы республика боюнча дан эгиндерин оруп-жыюу жумуштарына 1950 дан комбайндын 1453 катышууга даяр.
Ысык-Көл, Нарын, Баткен жана Чүй облустарында дан комбайндарга болгон жумуштун көлөмүнүн жогору болгондугуна байланыштуу айыл чарбада кооперациялоо, механизациялоо жана инновациялык технологиялар департаменти оруп-жыюу өнөктүгүндө комбайндарды дан эгиндеринин бышып жетилүүсүнө жараша аймактарга бирдей бөлүштүрүү боюнча мобилизациялоо иштерин жүргүзүшүүдө.
Учурда оруп-жыюу өнөктүгүндө Чүй облусуна Ысык-Көл, Нарын облустарынан 94 дан комбайндары тартылып, өнөктүк өз нугунда жүргүзүлүүдө.
Ал эми өлкөнүн түштүк аймагындагы оруп-жыюу өнөктүгүнө жалпы 400гө жакын дан комбайндары катышууда, анын ичинен 100гө жакыны тоо этегиндеги дыйканчылык зоналарына тартылат.
2024-жылы 1 комбайнга туура келүүчү жумуштун көлөмү 253,4 гектарды түзөт. Ысык-Көл, Нарын облустарында жана Суусамыр өрөөнүндө өнөктүк август айында башталып, октябрь айында жыйынтыкталат.