Каракол токой чарбасынын директорунун 2022-жылдын 20-январдагы №1 буйругунун негизинде Каракол токой чарбасынын аймагында мыйзамсыз кыюларга жол бербөө, алдын алуу жана браконьерликке каршы күрөш жүргүзүү максатында токой чарба кызматкерлери Ысык-Көл областтык ички иштер башкармалыгынын туристтик экологиялык милициясы менен биргеликте күчөтүлгөн тартипте күнү-түнү рейддер жүргүзүлүүдө.
Токой чарба кызматкерлери ар бир токойчулуктарды кыдырып, фактылар болгон учурда милициянын жардамы менен мыйзамсыз токой кыйган мыйзам бузуучулар кармалууда. Жүргүзүлгөн рейддердин жыйынтыгында 2022-жылдын январь айынан бери 6 мыйзамсыз карагай кыюу фактысы катталды. Жаратылышка келтирилген зыяндын суммасы 37792 сомду түздү.
Мындан тышкары Жергез токойчулугунунда жайгашкан «Садус» пилорамасында Ысык-Көл областтык ички иштер башкармалыгынын туристтик экологиялык милициясы тарабынан пионер айылынын тургуну И.Р. кармалды.
Бул факты боюнча бүгүнкү күндө 2 (эки) мыйзамсыз карагай кыюу фактысы каталып Ак-Суу райондук ички иштер бөлүмүнө берилип азыркы учурда тергөө иштери жүргүзүлүп жатат.
