Балык чарба департаменти Кыргыз Республикасынын Президентинин 2023-жылдын 10-июлундагы № 172 “Ысык-Көлдө жана Соң-Көлдө балыкты өндүрмөлүк кармоого мораторий киргизүү жөнүндө” Жарлыгын аткаруу максатында, балык чарба көлмөлөрүндөгү балык запастарын жасалма түрдө көбөйтүү максатында Кыргыз Республикасынын Улуттук илимдер академиясы менен макулдашылып 2024-жылга карата болжолдуу планы бекилди.
Бекитилген болжолдуу пландын аткарылышы 2023-жылга салыштырмалуу балык чарба маанидеги көлмөлөрдөгү балык запастарын 10%га көбөйтүүнү камсыздайт.
Ысык-Көл форелинин урук чачуу мезгилинин башталышына байланыштуу, балык уруктарын даярдоо жана жасалма жол менен инкубациялоо үчүн Ысык-Көл форелинин жумурткаларын жыйноо үчүн Департамент тарабынан энелик балыктарды кармоого тиешелүү документтер бериле баштады.
Аталган иш-чаралараны төмөнкү ишканалар жүргүзөт: «Тоң балык заводу» мамлекеттик ишканасы жана «Ысык-Көл плюс» адистештирилген балык өстүрүү айыл чарбалык кооперативи. Иш-чаралар 2023-жылдын 10-сентябрынан тартып, форель балыгынын урук таштоо мезгили аяктаганга чейин, б.а. үстүбүздөгү жылдын 15-ноябрына чейин уланат.
