Азыркы учурча Республика боюнча жашылча, картошка жана мөмө-жемиштер Кадамжай, Лейлек, Араван жана Кара-Суу райондорунда жыйналууда. Бул тууралуу Айыл, суу чарба жана аймактарды өнүктүрүү министрлигинин Өсүмдүк өстүрүү жана интенсивдүү багбанчылык департаменти билдирди. 2021-жылдын 7-июнуна карата республика боюнча 10,5 миң тонна жашылча жана 2977 тонна мөмө-жемиштер жыйналды. Картөшкө казуу иштери 629 га аянтта жүргүзүлүп, былтыркы жылдан 418 га аз. Түшүмдүүлүк орточо 148,8 ц/га болуп, дүң жыйым 9128 тоннаны түздү жана 2020-жылдан 3,7 миң тоннага аз.
