Кыргыз Республикасынын тамак-аш жана кайра иштетүү өнөр жай ишканалары үчүн Европа Биримдиги, Европа инвестициялык банкы жана Германия өнүктүрүү банкы KfW тарабынан каржылануучу «Кошумча нарык чынжырларын агрокаржылоо» долбоорунун презентациясы болуп өттү. Ишканалар эл аралык сапат жана тамак-аш коопсуздугунун стандарттарын, ошондой эле социалдык жана экологиялык стандарттарды ишке ашыруу үчүн техникалык колдоо алууга көмөктөшүү программасына катыша алышат.
«Кошумча нарык чынжырларын агрокаржылоо» долбоорунун максаттуу колдоо тобу болуп алгачкы продукцияны топтоо, сорттоо, калибровкалоо, сактоо жана/же бөлүштүрүү, ошондой эле Кыргызстанда өндүрүлгөн айыл чарба продукциясын кайра иштетүү, таңгактоо жана бөлүштүрүү менен алектенген тамак-аш жана кайра иштетүү өнөр жайынын ишканалары – айыл чарба кошумча нарык чынжырларынын катышуучулары саналат.
Жогорудагы долбоор боюнча кызыккан тараптар суроолор боюнча төмөнкү телефонго кайрылса болот: +996 555 272 601 (Давлетов Алмаз).
