Кыргыз Республикасынын Айыл чарба министрлиги Евразия экономикалык комиссиясынын долбоорунун чечими менен Бажы бирлигинин “Тамак-аш азыктарынын коопсуздугу жөнүндө” техникалык регламентине (ТР ББ 021/2011) өзгөртүүлөр киргизилип жатканын маалымдайт. Атап айтканда, мал жандыктардан алынган азыктарда (сүт, эт, балык азыктары, бал) антибиотиктердин 72 түрүнө уруксат берилген деңгээлин белгилеген норма киргизилүүдө. Кол коюлгандан кийин аталган чечим расмий жарыяланган күндөн тартып 12 ай өткөндөн кийин күчүнө кирет. Техникалык регламентке өзгөртүүлөрдү киргизүү долбооруна кол коюунун болжолдуу мезгили 2023-жылдын март-апрель айларына барат.
Аталган техникалык регламенттин долбоору боюнча 2023-жылдын 10-мартында Кыргыз Республикасынын Айыл чарба министрлиги онлайн жана оффлайн консультация уюштурат, анын жүрүшүндө Кыргыз Республикасынын өзгөртүүлөрдү киргизүүгө даярдыгы талкууланат.
Консультацияга катышууну каалаган тараптар төмөнкү телефондор аркылуу WhatsAppка маалымат жөнөтүүңүздөрдү өтүнөбүз: 0553230425 (Ислам кызы Үпөл), 0709075822 (Абдирашитова Мээрим).
