2020-жылдын 9-октябрынан 16-октябрына чейин “Достук” фитосанитардык көзөмөл пунктундагы Кыргыз Республикасынын Мамлекеттик чек арасынын кыргыз-өзбек участкасы боюнча департаментинин Ош Өсүмдүктөрдүн карантини башкармалыгынын адистери тарабынан Өзбекстан Республикасынан 35 тоннадан ашык жөнгө салынуучу продукцияны ташып келүүдө фитосанитардык мыйзамдарды бузган 2 факт аныкталды.
Карантиндик фитосанитардык көзөмөлдүн жүрүшүндө Өзбекстан Республикасынан 7,8 тонна сабиз, 10,3 тонна жүзүм, 0,5 тонна анар, 6,5 тонна коон жана 10,6 тонна помидор ташылып келингендиги аныкталды, жана анда жараксыз фитосанитардык сертификаттар дагы бар.
Мындан тышкары, Өзбекстан Республикасынан жеткирилген жерге (Ош) келген жүзүмдүн (10,3 тонна) партиясына фитосанитардык көзөмөл жүргүзүүдө, продукциянын таңгагында эч кандай белги коюлган эмес.
Ушуга байланыштуу, фитосанитардык мыйзамдардын талаптарына жооп бербеген, жөнгө салынуучу продукцияны ташып келүүгө тыюу салынган. Бардык товарлар жөнөтүүчүлөргө кайтарылды.
