2022 – жылы ири мүйүздүү малдар 486,4 миң баш, жылкылар 395,1 миң баш, чочколор 2,8 миң баш, асыл тукум кой-эчкилер 26,6 миң баш, 81,7 миң аары бал челектер, 670 көлмөлөр жана 37 үй канаттуулар чарбасы идентификациядан өткөрүлүп, Идентификацияланган жаныбарлардын бирдиктүү мамлекеттик реестрине (Жаныбарларды идентификациялоо жана көзөмөлдөө системасы) киргизилди.
Эт азыктардын коопсуздугу жөнүндө жана алгачкы өндүрүүчүсүн билүү максатында бир кадам менен QR – коддо малдын идентификациялык номерин, түрүн, туулган күнүн, клиникалык абалын, кайсы жерде жана качан союлганы, изилдөө протоколунун жыйынтыгын жана ветеринардык коштоочу документтердин берилген күнү боюнча маалыматтарды камтыган сервис иштелип чыкты. Жарандардын колдонуусуна жеңилдетүү жолу түзүлдү.
Бүгүнкү күндө айыл чарба жаныбарларды идентификациялоо иш-чаралары толук кандуу жүргүзүлүүдө.
