2022-жылдын 9-сентябрында Бишкек шаарында Кыргыз Республикасынын Айыл чарба министрлиги менен Казакстан Республикасынын Соода жана интеграция министрлигинин ортосунда мөмө-жемиш продукциясын жеткирүүнү уюштуруу жөнүндө Меморандумга кол коюлду. Меморандумдун алкагында Казакстан Республикасына 15 миң тонна көлөмдө картошканы экспорттоо каралган.
Ошондой эле министрлик Казакстан Республикасынын ири соода тармактарынын өкүлдөрү менен “Алтын Орда” ,”Kaz Trade ” жана “Lion fruits ” менен картошканы Казакстанга жеткирүү маселелери боюнча сүйлөшүүлөрдү жүргүздү. 21-сентябрда Ысык-Көл областынан 115 тонна картошка Казакстан Республикасына жөнөтүлду.
Министрлик Өзбекстан Республикасы жана Россия Федерациясынын Краснодар аймагы менен айыл чарба продукциясын жеткирүү маселелери боюнча сүйлөшүүлөрдү жүргүзүп жатат .
