Бүгүн, 4-декабрда “Кабар” маалымат агенттигинде Кыргыз Республикасынын Айыл чарба, тамак-аш өнөр жайы жана мелиорация министри Тилек Токтогазиев пресс-конференция берип, анда жалпыга маалымдоо каражаттарынын өкүлдөрүнүн суроолоруна жооп берди.
Министр Тилек Токтогазиев республиканын азык-түлүк коопсуздугуна байланыштуу жооп берүү менен министрликте кандай технологиялык долбоорлор ишке ашырылып, дыйкандарга мамлекеттик деңгээлде кандай колдоо көрсөтүлүп жатканына токтолду.
Кыргызстандын фермерлери, өндүрүүчүлөрү жана жөнөтүүчүлөрү биригип, дүйнөлүк рынокто атаандаштыкка туруштук берүү үчүн альянс түзүшү керек.
Бул тууралуу “Кабар” агенттигинде өткөн басма сөз жыйынында Кыргыз Республикасынын Айыл чарба, тамак-аш өнөр жайы жана мелиорация министри Тилек Токтогазиев билдирди.
