2022-жылдын 9-августуна капиталдык оӊдоо жумуштардын аткарылышы боюнча маалымат
Мамлекеттик ирригация тармактарын 2022-жылдын сугат мезгилине өз убагында жана сапаттуу даярдоо үчүн, 2021-жылдын сугат мезгили бүтүүсү менен Суу ресурстары мамлекеттик агенттигинин 2021-жылдын 29-сентябрында № 128-буйругу кабыл алынып, анда аткарылуучу иштердин приоритеттик багыттары көрсөтүлгөн (аткарыла турган иштин түрлөрү, көлөмү, баасы жана аткаруу убактысы).
Суу чарба объектилерин 2022-жылдын вегетация мезгилине даярдоо план-графикке ылайык: Орто-Токой, Папан, Киров жана Орто-Токой (Касан-Сай) суу сактагычтары 2022-жылдын 10-апрелине, Баткен, Ош жана Жалал-Абад облустары боюнча 2022-жылдын 10-апрелине, Чүй жана Талас облустары боюнча 2022-жылдын 20-апрелине, Ысык-Көл жана Нарын облустары боюнча башкы суу чарба башкармалыктары 2022-жылдын 1-майына карата бүткөрүлдү.
Сугат тармактарында азыркы убакытта дарыялардагы суулардын чыгымынын жана суу пайдалануучулардын өтүнмөлөрүнүн негизинде сугат суусу берилип жатат.
2022-жылга Суу ресурстары кызматынын карамагындагы мамлекеттик суу чарба объектилеринде оӊдоо жана калыбына келтирүү жумуштарын аткарууга республикалык бюджеттен 1,0 млрд.сом өлчөмүндө акча каражаттын бөлүнүүсү күтүлүүдө. Бул каражатка 176,3 км каналдардын оӊдоо, 77,4 км каналдардын бетондоо, 712,1 км каналдардын механикалык тазалоо, 619 гидротехникалык курулмалардын, 340 суу өлчөөчү посттордун, 105 насостук станциянын, анын ичинде 236 насостук агрегаты оӊдоо, 72 насостук агрегатын жаӊылоо, 28 скважинанын оӊдоо, 14 суткалык жана декадалык жөнгө салуучу бассейндеринин, 9 суу сактагычтардын оӊдоо жана тазалоо иштери, ошондой эле 276,8 км коллектор-дренаждык тармактын оӊдоо жана механикалык тазалоо иштерин аткаруу мерчемделүүдө.
Суу ресурстары кызматынын карамагындагы түзүмдүк бѳлүмдѳргѳ республикалык бюджеттен «капиталдык оӊдоолор» беренеси боюнча 2022-жылдын 9-августуна карата 635,3 млн.сом ѳлчѳмүндѳ акча каражат бөлүнүп берилди. Бѳлүнгѳн аталган түзүмдүк бѳлүмдѳр тарабынан 115,1 км чарба аралык каналдардын оӊдоо, 25,7 км каналдардын бетондоо, 688,2 км чарба аралык каналдардын механикалык тазалоо, 535 гидротехникалык курулмалардын, 301 суу ѳлчѳѳчү посттордун, 102 насостук станцияларда оӊдоо, 220 насостук агрегаттарды калыбына келтирүү иштери жүргүзүлүп, анын ичинде 44 насостук агрегаттарды жаӊылоо иштери, 77,3 км коллектордук-дренаждык тармактарда механикалык тазалоо жумуштары аткарылууда.
“Капиталдык оӊдоолор” титулдук тизмесиндеги объектилерде калыбына келтирүү, оӊдоо жумуштары 2022-жылдын 25-декабрына чейин жүргүзүлөт.
