2022-жылдын биринчи жарым жылдыгынын жыйынтыгы боюнча Кыргыз Республикасынын Айыл чарба министрлигине караштуу Токой кызматынын планын аткаруу ирээтинде токой чарбалар тарабынан төмөнкү өрткө каршы иш чаралар аткарылды: минералдаштырылган тилкелерди түзүү планы 90 км берилсе, аткарылганы 95 км, аншлаг даярдоо планы 140 даана берилсе, 170 даанага аткарылды, минералдаштырылган тилкелерди оңдоо планы 400 км берилсе, аткарылганы 399 км, өрткө каршы жолдорду оңдоо планы 60 км болсо, аткарылганы 42,5 км, өрткө каршы жолдорду оңдоо 220 км болсо, аткарылганы 188 км түздү.
Токойлорду зыянкечтерден коргоо иш чаралары боюнча түгөйсүз жибек көпөлөктөрүнө каршы Вирин-Энш препараты менен 800 га аймакты биологиялык иштетүү планы толугу менен аткарылды, планда берилген 3060 га аянт токой зыянкечтерин биологиялык иштетүү менен факты түрүндө 4064 га аткарылган.
