Урматтуу республикабыздын ветеринардык тармагынын кызматкерлери! Сиздерди кесиптик майрамыңыздар менен чын жүрөктөн куттуктайм!
Улуу илимпоз И.П.Павлов: “Дарыгер адамды дарылайт, ал эми ветеринардык дарыгер адамзатты дарылайт”,- деп илгери эле таамай айткан. Бул сиздердин ишиңиздерге карата берилген айкын мүнөздөмөлөрдүн бири. Сиздер эң байыркы жана урматтуу кесиптердин бирин тандап алуу менен улуттун, калкыбыздын саламаттыгын сактоого чоң салым кошуп жатасыздар.
Сиздерге жана сиздердин жакындарыңыздарга бакыт-таалай, бакубат жашоо, токчулук жана молчулукту каалайм! Сиздердин адистикке байланышкан бардык кооптуу жагдайларды кесипкөйлүгүңүздөрдүн жана ишке ак ниеттүү мамилеңиздердин натыйжасында жеңип чыгууңуздарга тилектешмин!
Терең урматтоо менен, министр А.С. Джаныбеков
