Генетикалык банктын үрөн фондун 3 жылдын ичине жаңылоо пландалууда. Бүгүнкү күндө Генетикалык банктын коллекциясында кыргыз, орус, түрк, украин жана немис селекциясынын дан, буурчак жана май өсүмдүктөрүнүн 2 322 үлгүсү жана 23 жаңы сорттору бар. Белгилей кетсек, 2021-жылы жазгы айдап себүү боюнча 35 үрөн чарбасы менен 50дөн ашык келишим түзүлүп, 50 миллион сомдон ашык суммага жогорку түшүмдүү өсүмдүктөрдүн уруктары берилди. Өзбекстандан 500 т. пахта үрөнүн, 1000 т. Элита, Супер Элита жана биринчи репродукциядагы (Аср жана Давр) күздүк буудайдын үрөндөрү алынып келинип, Казакстан менен 1000 т. жогорку түшүмдүү жазгы эгиндерди бекер жеткирүү боюнча келишим түзүлдү.
