Кыргыз Республикасынын Айыл чарба министрлигине караштуу Органикалык айыл чарба департаменти, органикалык экспортко багытталган продукциянын «кошумча нарк тизмеси» боюнча тегерек стол өткөрдү.
Долбоордун алкагында KOICA каржылык колдоосу менен “Органикалык айыл чарбаны өнүктүрүү” БУУнун Азык-түлүк жана айыл чарба уюмунун (ФАО) техникалык колдоосу менен Улуу Британиядан келген эксперт Генри Мэттьюс Баткен, Жалал-Абад, Талас жана Чүй аймактарында тренингдерди өткөрүп, 4 продуктуну тандап алды:
1) Баткен өрүгү,
2) Жалал-Абад жаңгагы
3) Таластагы төө буурчак
4) Ак бал
Ал бул продукцияга SWOT анализин даярдап, дүйнөлүк рыноктун тенденцияларына таянып, продукциянын артыкчылыктары боюнча өз сунуштарын белгиледи.Ошондой эле, жергиликтүү эксперттер өз көз карашын жана Кыргыз Республикасындагы айыл чарба продукциясынын учурдагы абалы менен ой бөлүшүштү.
