Кыргыз Республикасынын Айыл, суу чарба жана аймактарды өнүктүрүү министрлигинин Өсүмдүктөрдүн карантини департаментинин кызматкерлери 2021-жылдын 10-сентябрынан 16-сентябрына чейин республиканын чек арасында жана аймагында экспорттоого арналган 13 839 тонна ата мекендик айыл чарба продукциясына карантиндик фитосанитардык көзөмөл жүргүздү.
Өткөн жумага салыштырмалуу Кыргыз Республикасынан 1 миң 496 тоннага көп экспорттолгон.
Карантиндик фитосанитардык көзөмөлдүн жүрүшүндө товарлар ичине чейин текшерилип, ташылып чыгарыла турган азыктардын үлгүлөрү алынды, ТЭИ катышуучулары ЕАЭБдин бирдиктүү карантиндик фитосанитардык талаптарына ылайык ташуунун шарттарынын жана сактоо эрежелеринин сакталышы менен таанышты.
