2021-жылдын 15-июнунда, Кыргыз Республикасынын Айыл, суу чарба жана аймактарды өнүктүрүү министрлигинин орун басары Нурлан Шерипов жана министрликтин алдындагы Мамлекеттик суу ресурстар агенттигинин директору Алмазбек Сокеев жай айларындагы сугат суунун тартыштыгы боюнча атайын пресс-тур уюштурушту.
Иш сапардын жүрүшүн Аламүдүн суу сактагычынан башташты. Мамлекеттик суу чарба агенттигинин башчысы Алмазбек Сокеев “Аламүдүн суу сактагычында суунун агымы секундасына 2,4 куб метрди түзүүдө. Суунун агуу ылдамдыгы өткөн жылга салыштырмалуу аба ырайынын кескин өзгөрүшүнөн улам 7-8 куб / сек төмөндөгөн. Бул көрсөткүч башка жылдарга салыштырмалуу үч эсеге аз. Сугат суусунун тартыштыгын чечүү үчүн дарыяларда, каналдарда жана сугат арыктарында сууну эсептөө тутумун киргизүү керек” деп билдирди.
Кой-Таш айылынын дыйканы Темирлан Аманов суу тартыштыгында көйгөй жок экендигин айтты. Ал тоо этектеринде сугат суусунун тартыштыгы жок экендигин кошумчалап, суунун жетишсиздиги агымдын төмөн жагында катталып жатканын мисал келтирди.
