Бүгүн 40тан ашуун жаран жашап жаткан жер тилкелерине кызыл китептерин көп убакыттан бери ала албай жаткандыгына байланыштуу “Кадастр” мамлекеттик мекемесинин Бишкектеги филиалынын директору Болотбек Берикбаев жана орун басары Мелис Кадырмамбетовду жумуштан бошотуу талабы менен Кыргыз Республикасынын Айыл, суу чарба жана аймактарды өнүктүрүү министри Аскарбек Джаныбековго кайрылышкан.Министр А.Джаныбеков жарандар менен жолугуп, көйгөйдөрүн угуп, маселени биргеликте талкуулашты.
Жолугушуунун жыйынтыгында, министр Аскарбек Джаныбеков атайын комиссия түзүүнү жана нааразы болгон тараптан эки өкүлүн комиссиянын мүчөсү катары кошууну сунуштап, ошондой эле “Кадастр” мамлекеттик мекемесинин Бишкектеги филиалынын директору Болотбек Берикбаев жана орун басары Мелис Кадырмамбетовду жумуштан убактылуу четтетүүнү буйругун чыгарды.
