Жылкы жана эт өндүрүү боюнча чемпиондор аныкталды. Алар Айбек Сатиев менен Жеңиш Норузбаев. Айбек Сатиев 2014-жылдан бери таза кандуу жылкыларды багып келет. Бүгүнкү күндө анын сарайында асыл тукум 35 баш бээ, таза кандуу 5 баш айгыры бар. Айбек таптаган көрүнүктүү айгырлардын бири атактуу “Искендер”. Ал 2018-жылдан бери Борбор Азия боюнча эң чоң жылкы болуп аталып, эл аралык деңгээлде өткөн ат оюндарында алдыңкы орундарды алып, баш байгени бербей келет. Ал эми “Али-Баба” аттуу айгыры да 2018-жылдан бери Казахстан, Өзбекстан жана Кыргызстанда болуп өткөн ат оюндарында алдыңкы орундарды ээлеп келүүдө. Жеңиш Норузбаев болсо, 33 жылдан бери эт багытындагы уйларды багат. Учурда анын 60 баш “Головей” жана 50 баш “Герефорд” эт багытындагы уйу бар. Былтыр ал 1 жаштагы букалардан 300 кг чейин таза эт алган. Жеңиш мырза 2002-жылы “Ак сарай” дыйкан чарбасын түзүп, эт багытындагы малдарды өстүрүп, киреше табуунун жакшы өздөштүргөн. Бүгүнкү күндө “Ак-Сарай” – асыл тукум уй чарба статусун алып, фермерлерди сапаттуу мал менен камсыз кылууда. Эгер сиз дагы ушундай ийгиликке жетип, жакшы киреше тапкыңыз келсе, анда, асыл тукум багып, бизнесин жакшырткан фермерлер 2025-жылдын 28, 29, 30 жана 31-январь күндөрү саат 10:00дө К.И. Скрябин атындагы Кыргыз улуттук агрардык университетинде өтө турган форумда ийгилик сырлары менен бөлүшүп, породалуу мал-жандыктарды туура багуунун жолдорун айтып беришет. Иш-чарада: 28-январь өсүмдүк өстүрүү; 29-январь мал чарбасы; 30-январь кайра иштетүү жана экспорт багытында кызыктуу талкуу болот. 31-январь жыйынтыктоочу бөлүгү А.Малдыбаев атындагы Улуттук опера жана балет театрында уюштурулат. Иш-чара тууралуу кошумча маалымат алуу үчүн: 0709-144 938 (Эльвира Мамбетова) Министрликтин бөлүм башчысы.
