Суу ресурстары, айыл чарба жана кайра иштетүү өнөр жайы министрлигине караштуу Жерди жана сууну көзөмөлдөө боюнча кызматы Талас облусуна караштуу Бакай-Ата районундагы Кызыл-Сай айылына Талас-Тараз авто жолунун түштүк жагында жайгашкан “Партнер нефт” ЖЧК текшерүү жүргүздү. Анын алкагында көрнөк-жарнак тактайлары (стела) кызыл сызыкка кирип кеткендиги аныкталды. Жыйынтыгында жеңил типтеги курулмалар буздурулуп алынды.
Белгилей кетсек, 2024-жылдын 11 айында Жер суу көзөмөл кызматы тарабынан 269 мыйзамсыз курулган объектилер аныкталган. Анын ичинен 228 объект буздурулуп, 9 объектке чара көрүү боюнча укук коргоо органдарына өткөрүлүп берилди.
