2024-жылдын декабрь айынын соңунда Суу ресурстары, айыл чарба жана кайра иштеүү өнөр жайы министрлигинин Асыл тукум мал чарба, жайыт жана тоют департаментине караштуу “Кыргызмамасылтукумзавод” мамлекеттик ишканасынын базасында мамлекетик машина-трактордук стациясынын ачылуусу күтүлүүдө.
Азыркы учурда мамлекеттик ишкана тарабынан “Мамлекеттик лизинг компаниясы” ачык акционердик компаниясынан лизингге келишимдин негизинде кытайдан жасалып чыккан «SINOMACH 1504» үлгүсүндөгү 5 даана тракторун жана «SINOMACH 1054» үлгүсүндөгү 4 даана тракторун сатып алды.
Мындан сырткары, аталган ишкана тарабынан кошумча 34 даана техника алуу үчүн лизинг компаниясына билдирүү берилген.
Белгилей кетсек, азыркы учурда өлкөдө жалпы 169 машина-трактордук станция иштеп жатат.
