Чүй облусунун Ысык-Ата районунда «Три Т» асыл тукум канаттуулар заводуна караштуу ишканалардын бири болгон «Ак Канат» канаттуулар фабрикасынын экинчи фазасы ачылды.
Министрлер Кабинетинин Төрагасынын орун басары-Суу ресурстары, айыл чарба жана кайра иштетүү өнөр жайы министр Бакыт Төрөбаев бул ишке ашырылып жаткан ири инвестициялык долбоордун маанилүүлүгү – Кыргызстанда азык-түлүк коопсуздугун жакшыртууга, жумурткага болгон импортту азайтууга багытталганын белгиледи.
«Ак Канат» канаттуулар фабрикасы 2022-жылдын февраль айында башталып, биринчи фазасында ар бири 160 000 баш жумуртка басуучу тоокторго ылайыкталган 4 канаттуулар сарайы курулган. Бул экинчи фазасы 150 000 баш жумуртка басуучу тооктор үчүн 3 канаттуулар сарайын катыйт. Алардын күнүмдүк өндүрүшү 140 миң даана азык-түлүк жумурткасын түзөт. Фабрика толук кубаттуулукта иштеп баштагандан кийин күнүнө 280 миң даана азык-түлүк жумурткасын өндүрөт. Бул ишкананын жалпы кызматкерлеринин саны 50, анын ичинде 10 жаңы жумуш орундарын түзөт.
«Ак Канат» фабрикасынын экинчи фазасы – бул жалпы баасы 13,2 млн АКШ долларын РКӨФ (Россия-Кыргыз өнүктүрүү фонду) менен биргелешип ишке ашырылган ири инвестициялык долбоордун маанилүү бөлүгү. Ошондой эле «Айыл Банк» ачык акционердик коому менен жабдууларды лизинг программасынын алкагында экинчи фазага 750 миң АКШ долларынан ашык каражат инвестицияланган.
Фабрикада канаттуулардын кыгын дезодорациялоо үчүн тез бактериалдык ферментация технологиясы колдонулат.
Мындан мурун, 2023-жылдын 22-августунда «Кировец» фабрикасынын биринчи фазасын курууга капсула салынган. Бул фабрика толук кубаттуулукка жеткенде күнүнө 450 миң даана азык-түлүк жумурткасын өндүрөт.
Бардык өндүрүш аянттары толук кубаттуулукта иштей баштаганда, «Три Т» асыл тукум канаттуулар заводу күнүнө 900 миң даана жумуртка өндүрө алат.
