2024-жылдын 1-декабрына карата жалпы республика боюнча бардыгы болуп 752 айыл чарба кооперативдери айыл чарба өндүрүшүндө өз ишмердиктерин жүргүзүшүүдө. Анын иштеткен жеринин аянты 54447 га, ал эми мүчөлөрүнүн саны 25670 түзөт. Анын ичинен: Чүй облусунда – 82 (30097,5 га.); Ысык-Көл облусунда – 61 (5429,7 га.); Ош облусунда – 94 (4058,1 га.); Жалал-Абад облусунда – 241 (5415,5 га.); Талас облусунда – 84 (1662,5 га.); Нарын облусунда – 63 (2730,4 га.); Баткен облусунда – 69 (3026,4 га.).
Суу ресурстары, айыл чарба жана кайра иштетүү өнөр жайы министрлигиин Айыл чарбада кооперациялоо, механизациялоо жана инновациялык технологиялар департаменти жергиликтүү башкаруу органдар менен биргеликте Кыргыз Республикасынын Министрлер Кабинетинин 2023-жылдын 23-августундагы № 418 токтому менен бекитилген “Кыргыз Республикасында 2023-2027-жылдарга айыл чарба кооперациясын өнүктүрүү Программасын” региондордо ишке ашыруу ишин алып барууда.
Кооперативдик системаны өнүктүрүү жана түзүү максатында, региондордогу майда айылдык товарөндүрүүчүлөрдүн айыл чарба кооперативдерине өз ыктыяры менен биригүү принциптерине жана демократиялык башкаруу механизмин жайылтуу максатында иштерди жүргүзүүдө.
