Ушул жылдын башынан бери жергиликтүү бийликтин башчылары менен биргеликте жүргүзүлгѳн иш-чаралардын негизинде 7 жаңы муниципалдык мал базар курулуп, колдонууга берилди. Алар Баткен, Ноокат, Токтогул, Тоң, Лейлек, Айтматов, Сокулук райондорунда салынды. Мындан сырткары, ушул тапта дагы 5 муниципалдык мал базар курулуп жатат. Тагыраагы, Ноокен, Кочкор, Ак-Талаа райондорунда бирден, ал эми Кадамжай районунда 2 мал базар жакынкы күндө бүткөрүлүп, алар да ишке берилет. Белгилесек, республика боюнча бүгүнкү күндө 45 мал базар ѳз ишмердүүлүгүн жүргүзүп келет. Анын ичинен 18 мал базар ветеринардык-санитардык талапка жооп берсе, ал эми калган 27 мал базарда райондук жана шаардык Ветеринардык башкармалыктардын берген көрсөтмөлөрүнүн негизинде ветеринардык-санитардык талапга ылайык келтирүү боюнча оңдоп-түзөө иштери жүргүзүлүп жатат.
