Суу ресурстары, айыл чарба жана кайра иштетүү өнөр жай министрлигине караштуу Суу ресурстары кызматынын алдындагы “Ичүүчү суу менен камсыздоону жана саркынды сууларды чыгарууну өнүктүрүү” мамлекеттик мекемесинин жетекчилигинин Нарын облусуна болгон жумушчу сапарынын алкагында региондогу 42 айылда курулуштун жүрүшү жана курулуш иштерине даярдык көрүүсү текшерилди.
Нарын облусундагы 42 айылдын калкын ичүүчү суу менен камсыздоо республикалык бюджеттин эсебинен, ошондой эле Азия Өнүктүрүү Банкынын колдоосу менен аткарылып жаткан программанын алкагында жүргүзүлүүдө.
Бүгүнкү күндө 4 айылдарда: Орто-Саз, Жалгыз-Терек, Жан-Булак, Төш-Булак курулуш иштери бүткөрүлдү.
Маанилүү иштердин бири – мектептерде, бала бакчаларда жана медициналык мекемелерде санитардык абалды жакшыртуу. 2026-жылга чейин 13 мектеп/бала бакча жана 8 медициналык мекеме заманбап санитардык тутумдар менен жабдылат. Бүгүнкү күндө 20 социалдык объект үчүн санитардык системаларды изилдөө жана долбоорлоо боюнча иштер башталды.
Эскерте кетсек, ичүүчү таза суу менен камсыздоо боюнча иш-чаралар Кыргыз Республикасынын калкын коопсуз ичүүчү суу менен камсыздоо боюнча улуттук программанын алкагында ишке ашырылууда.
