Суу ресурстары, айыл чарба жана кайра иштетүү өнөр жай министрлигине караштуу Жерди жана сууну көзөмөлдөө боюнча кызматы жер тилкелерди кайтаруу максатында Ош облустук административдик сотуна ош мэриясы 2009-жылдын 8-июнундагы №712 сандуу токтомун жараксыз деп табуу жөнүндө административдик доо арыз менен кайрылган.
Тактап айтканда, Ош шаардык А.Сүйүнбаев атындагы стадиондун жалпы аянты 5,5 га ичинен спорт комитетинде 2002-жылдан 2015-жылга чейин бокс боюнча машыктыруучу болуп иштеген Шайлообек Атазовго стадиондун 84,0 чарчы метр жер тилкеси мыйзам бузуу менен бектилип берилген.
Натыйжада, 2024-жылдын 25-сентябрында Ош облусунун административдик сотунда иштин маңызы боюнча каралып, жер аянтына чыккан укук тастыктоочу токтом соттун аныктамасы менен 84,0 чарчы метр жер тилке стадиондун эсебине кайтарылды.
