Кечээ, 3-июль күнү Суу ресурстары, айыл чарба жана кайра иштетүү өнөр жайы министрлигинин Ветеринардык кызматты “Ак-Тилек” чек ара ветеринардык көзөмөлдөө пунктунун инспекторлору тарабынан Казакстан Республикасынан Кыргызстандын аймагына 80 000 кг өлчөмүндө уйдун майы мыйзамсыз жол менен ташылып келе жаткандыгы аныкталган.
Тактап айтканда, жүктө ЕАЭБдин ветеринардык-санитардык талаптары сакталбагандыгы, ошондой эле таңгактоосу жана маркировкалоосу “Тамак-аш азыктарынын коопсуздугу жөнүндө” 021/2011 Бажы бирлигинин Техникалык регламентине ылайык келбегендиги аныкталып, инспекторлор тарабынан тиешелүү артка кайтаруу актысы түзүлүп, жүк “Ак-Тилек” көзөмөл өткөрүү жайы аркылуу Казакстан Республикасына артка кайтарылды.
Белгилей кетсек, буга чейин дагы Ветеринардык кызматтын “Ак-Тилек” чек ара ветеринардык көзөмөлдөө пунктунун инспекторлору тарабынан Казакстан Республикасынан Кыргызстандын аймагына 20 000 кг өлчөмүндө уйдун майы мыйзамсыз жол менен ташылып келе жаткандыгы аныкталып, жүк Казакстан Республикасына артка кайтарылган болчу.
