2023-жылы республикадагы малдардын сапатын жакшыртуу максатында Суу ресурстары, айыл чарба жана кайра иштетүү өнөр жайы министрлиги тарабынан коммиссия түзүлүп, жеринде чарбалык субьектилерге мониторинг жүргүзүлгөн.
Мониторингдин жыйынтыгында “Кыргыз Республикасынын асыл тукум заводдорунун жана фермаларынын тизмегин бекитүү жөнүндө” Министрлер Кабинетинин токтом долбоору даярдалып, 2024-жылдын 8-майында № 221 токтом кабыл алынган. Аталган токтом менен 111 субъектке асыл тукум статус ыйгарылды.
Белгилей кетсек, статус ыйгарылган асыл тукум чарбаларга мамлекеттик колдоо көрсөтүлөт жана ушул асыл тукум чарбаларда биздин климаттык шартка туура келген асыл тукум малдар өстүрүлүп, фермерлерге жайылтылып, малдардын сапаты жакшыртылат.
