2023-жылдын 22-ноябрынан 25-ноябрына чейин Азербайжан Республикасынын Баку шаарындагы экспо борборунда SPECAге мүчө өлкөлөрүнүн (Азербайжан, Казакстан, Кыргызстан, Тажикстан, Түркмөнстан, Өзбекстан) продукцияларынын, кызматтарынын жана инновацияларынын көргөзмөсү болуп өттү.
Кыргыз Республикасына аянты 200 чарчы метрден ашык павильон бөлүнгөн. Айыл чарба министрлигинен министрдин орун басары А.А.Туйбаева катыштып жана негизги экспортко багытталган азык-түлүктөрдүн көргөзмөсү уюштурулду.
Ата мекендик өндүрүчүлөрдүн бал, эт, сүт, шире азыктары, кайра иштетилген жашылча-жемиштерден жасалган азыктары, кургатылган жемиштери, улуттук суусундуктары, бөтөлкөдөгү суулары, тониктеры жана алкоголдук ичимдиктери көрсөтүлдү. Жалпы көлөмү 200 кг.дан ашты.
Айыл чарба министрлиги көргөзмөнү уюштурууга катышкан бардык азык-түлүк өндүрүүчүлөргө ыраазычылык билдирет.
