Токой кыюуларын жүргүзүү биологиялык жактан туруктуу, жогорку өнүмдүү чарбалык баалуу бак-дарактарды калыптандырууга, чөйрөнү коргоочу ,социалдык жана экологиялык функциаларын сактоого жана күчөтүүгө, ошондой эле өз убагында жыгач алууга багытталган маанилүү иш-чаралар болуп саналат.
Токойлордо токойду өстүрмө жана багуу иретинде кыюулар, санитардык кыюулар, анча баалуу эмес токойлорду жана коргоочу жана башка функцияларын жоготкон бак-дарактарды реконструкциялоого багытталган кыюулар жана токойлорду бутактардан, кулаган дарактардан тазалоо (очистка) жүргүзүлөт.
Токой кыюуларын жүргүзүү үчүн төмөндөгүдөй иш-чаралар аткарылат:
– кыюу пландарына ылайык токой жайгаштыруу материалдарынын жана токой паталогиялык изилдөөлөрүнүн корутундуларынын негизинде кыюуга же тазалоого карата дайындалган токой участокторуна талдоо жүргүзүү, токой кыюунун түрүн аныктоо;
– токойдун кыйылуучу жерин бөлүү, аспаптык сүрөткө тартуу, мамылоо;
– кыюуга белгиленүүчү дарактарды аныктоо, номерлөө, өлчөө, сортименттерге бөлүштүрүү;
– кыюуга чыгарылган бөлүктүн кыюунун түрүнө карата иш кагаздарын даярдоо ( кыйылуучу токойду бөлүп алуу актысы, эсептөө ведомостору, материалдык-акчалай баалоо ведомосту, технологиялык карта, жыйынтык ведомосту, кыюу долбоорлору).
