2023-жылы республика боюнча дан эгиндерин оруп-жыюу жумуштарына 1940 дан комбайндын 1590 катышып, өнөктүк бир калыпта жүрүп үзгүлтүккө учураган жок. Ысык-Көл, Нарын, Баткен жана Чүй облустарында дан комбайндарга болгон жумуштун көлөмү жогору болгондугуна байланыштуу Департаменттин кызматкерлери райондук агрардык өнүктүрүү башкармалыктарынын жана жергиликтүү өзүн өзү башкаруу органдарынын өкүлдөрү менен биргеликте оруп-жыюу өнөктүгүндө комбайндарды дан эгиндеринин бышып жетилүүсүнө жараша аймактарга бирдей бөлүштүрүү боюнча мобилизациялоо иштерин жүргүзүштү. Оруп-жыюу өнөктүгүндө Чүй облусуна Ысык-Көл, Нарын облустарынан 150 ашык дан комбайндары тартылып, өнөктүк ийгиликтүү аяктады. Өлкөнүн түштүк аймагындагы оруп-жыюу өнөктүгүнө жалпы 400 жакын дан комбайндары катышып, анын ичинен 100 жакыны тоо этегиндеги дыйканчылык зоналарына тартылды. 2023-жылы 1 комбайнга туура келүүчү жумуштун көлөмү 253,4 гектарды түздү жана Ысык-Көл, Нарын облустарынан жана Суусамыр өрөөнүнөн башка аймактарда өнөктүк жыйынтыкталды.
