2021-жылдын 7-майында, БУУнун Өнүктүрүү программасы долбоорунун алкагында Кыргыз Республикасы Айыл, суу жана токой чарба министрлигинин адистери, департамент жетекчилери “ОНУВ-Адаптация” эксперттик тобунун Суу ресурстары секторунун эксперти Екатерина Сахваева жана Айыл чарба секторунун эксперти Салтанат Асан менен консультативдик жолугушуу өткөрдү.
Жолугушуунун журүшүндө, климаттык өзгөрүүлөргө туруктуу өндүрүш практикасын иштеп чыгуу, парник газдарынын бөлүнүп чыгышын азайтуу жана инвестициялык муктаждык маселелери талкууланды.
Ошондой эле, жаздын эрте келиши, бирок сууктун кайра кайталанып жазгы үшүктөрдүн жүрүшү, жайкысын сугат суунун тартыштыгы жана кургакчылыкты алдын алуу аракеттери жөнүндө сөз болду.
