Кыргыз Республикасынын Айыл чарба министрлигине караштуу Ветеринардык кызмат (мындан ары – Веткызмат) интернет булактарында малдардын чыгымга учурап жаткандыгы тууралуу төмөндөгүлөрдү билдирет.
Нарын облусунун Нарын, Ак-Талаа, Жумгал жана Кочкор райондорунун Соң-Көл жайлоосунда малдар арасында жугуштуу ыландар боюнча түзүлгөн эпизоотиялык жагдайды жеринде Ветеринадык башкармалыктын адистери тарабынан изилдөө иштери жүрүп жатат.
Мындан сырткары, жайлоодогу ветеринардык тейлөөнүн уюштурулушуна мониторинг жүргүзүү, Соң-Көл жайлоосунда өлүм чыгашасына учурап жаткан малдардын себептерин жеринен анализдөө максатында Веткызмат тарабынан жана Ветеринардык дарт аныктоо жана экспертиза борборунун адистери менен биргеликте комиссия түзүлүп изилдөө иштерин жүргүүзүүгө Соң-көл жайлоосуна чыгып кетти.
Эпизоотиялык мониторингтин жана лабораториялык изилдөөлөрдүн жыйынтыгынын негизинде так маалымат берилет.
