Бүгүнкү күндө дыйкандардын негизги максаты – максималдуу киреше алуу. Өстүрүлүп жаткан айыл чарба өсүмдүгүнүн сапатын жана түшүмдүүлүгүн жогорулатуунун эӊ эффективдүү жолдорунун бири болуп минералдык жер семирткичтерди колдонуу болуп саналат. Ошондуктан айыл чарба өндүрүүчүлөрдүн басымдуу бөлүгү минералдык жер семирткичтерди колдонууну тандашат.
Ошол себептен, учурдагы абалды эске алуу менен альтернативдик вариант – органикалык жана органо-минералдык жер семирткичтерди колдонууну дыйкан-фермерлерге сунуш кылабыз.
Органикалык жер семирткичтерден чириген кык, чым (торф), ар түрдүү компост жана биогумустар ж.б., ал эми органо – минералдык жер семирткичтерден Кыргыз Республикасынын аймагында колдонууга уруксат берилген, мамлекеттик каттодон өткөн 200 дөн ашык ар кандай препаративдик формадагы органо – минералдык жер семирткичтерди белгилеп кетмекчибиз.
