Кыргыз Республикасынын Айыл чарба министрлиги Министрлер Кабинетинин «Кыргыз Республикасынын аймагына убактылуу тарифтик жеңилдиктерди колдонуу менен ак шекерди жана иштетиле элек камыш кантын алып келүүнүн көлөмүн бөлүштүрүүнүн эрежесин бекитүү жөнүндө» токтомунун негизинде, тарифтик жеңилдиктерди колдонуу менен ак кантты жана чийки кантты импорттоонун көлөмүн бөлүштүрүү жөнүндө билдирет (https://www.gov.kg/ru/npa/s/3734).
Алып келүүнүн көлөмүн бөлүштүрүү тууралуу табыштамаларды кабыл алуу башталгандыгы тууралуу кулактандыруу жарыялайбыз.
Табыштамага төмөнкү документтер тиркелет:
- уставдын көчүрмөсү, юридикалык жактын мамлекеттик каттоосунун күбөлүгү же жеке ишкердин (жеке жактын) мамлекеттик каттоо тууралуу күбөлүгү;
- ак шекерди, жана иштетиле элек камыш кантын алып келүүгө контракттын көчүрмөсү;
- контракт боюнча төлөмдү же контракт боюнча товардын жүктөлгөндүгүн тастыктоочу документтин көчүрмөсү;
- ак шекердин Евразия экономикалык бирлигинин техникалык регламенттеринин талаптарына шайкештик жөнүндө декларациянын көчүрмөсү;
- ушул Эреженин 2-тиркемесине ылайык формадагы алынып келүүчү ак шекерди жана иштетилбеген чийки камыш кантын максатка ылайык пайдалануу жөнүндө милдеттенме;
- документтерди ишенимдүү киши аркылуу берген учурда – ишеним каты, анын паспортунун көчүрмөсү.
Кошумча маалымат үчүн министрликтин азык-түлүк коопсуздук бөлүмүнүн +996312623644, +996997777384 телефон аркылуу кайрылыңыздар.
