Өткөн жылдын күз айларында Ноокен районуна караштуу Достук айыл өкмөтүндө 300 гектар аянтка бак тигүү иштери башталган. Бүгүнкү күндө жергиликтүү коомчулук жана айыл өкмөт тарабынан 133 гектарга алча көчөттөрү отургузулуп бүтүп, калган 167 гектарга быйыл жазда отургузулат.
Бул иш-чара Токой чарба мамлекеттик агенттиги тарабынан ТЭИБ долбоорунун колдоосунда пилоттук айыл өкмөттөрдүн (муниципалитеттердин) аймагында жайгашкан деградацияланган токойлорду калыбына келтирүү максатында жүргүзүлүүдө. Отургузуу иштерин жүргүзүү үчүн Достук айыл өкмөтүнө 25 512 түп алча көчөттөрү өткөрүлүп берилди.
Сугат суу менен камсыз кылуу жана кунарсыз муниципалдык участокторун өнүктүрүү максатында 5 суу сактагыч курулуп, анын ичинен көлөмү 400м3 болгон 1 суу сактагыч, ар бири 100м3 3 суу сактагыч курулган, 3 чакырымга жакын жерге төшөлгөн, диаметри 160 мм болгон өткөрүүчү түтүктөр, диаметри 110 мм болгон 1,5 километрден ашык откоруучу түтүктөр орнотулду.
