Малдын дени сак болсо, ээси көӊүлдүү болот! Малга оору жугуп, антибиотиктер таасир этпесе, малды бүтүндөй жоготуп алуу коркунучу бар.
Антибиотиктер жугуштуу оорулардан айыктыра албаганынын эки негизги себеби бар:
Тура эмес дарылоо же тура эмес колдонуу.
Ооруну пайда кылган микробдорду дарылоо процессинде микробко каршы дарыларга туруктулуктун пайда болушу.
Биз антибиотиктер сыяктуу микробго каршы дарыларды адамдардын жана малдын жугуштуу ооруларын дарылоо үчүн колдонгон сайын, ал микробдор дарыларга чыдоону үйрөтүп, убакыт өтүшү менен алардын таасирин басаӊдатышат. Антимикробдук дарыларды натыйжалуу колдонбосок малдар жугуштуу оорулардан өлүп калуу коркунучу жаралат, жогорууда айтылган нерселерди болтурбоо үчүн Ветеринариялык дары-дармек каражаттарын, тоюттарды жана тоют кошулмаларын каттоо жана сертификаттоо боюнча борборунун кызматкерлери төмөнкү кеӊештерди колдонууга чакырат.
- Чарбада колдонулучу шаймандарды жана малкананы дезинфекциялаӊыз.
- Малды эмдөөдөн өткөрүӊүз, дарылоого караганда алдын алуу оӊой ошондуктан өзүӊүздүн жашаган жердеги ветеринардык адистен кеӊеш алыӊыз.
- Тоютту кургак жана коопсуз сактап, кемирүүчүлөр, канаттуулар, курт-кумускалар жана жаныбарлар сыяктуу микроб ташуучулардан коргоӊуз.
- Жакшы тоюттар жана таза суу менен камсыз кылуу аркылуу малдын оорууга каршылык көрсөтүшүнө жана дени сак турушуна жардам бериӊиз.
- Сатып алынган малды киргизүүнүн алдында малкананы тазалап дизигфекциялаӊыз жана ошол малды карантинге коюӊуз.
- Диагнозду туура кою жана натыйжалуу дарылоо үчүн ветеринарга кайрылыӊыз.
