2021-жылдын 21-апрелинде, Кыргыз Республикасынын Айыл, суу чарба жана аймактарды өнүктүрүү министрлиги УИАнын Э. Гареев атындагы Ботаникалык бак илимий-изилдөө институту менен биргеликте Ысык-Көл облусунун Чолпон-Ата шаарында «Бактериалдык күйүк оорусуна каршы күрөшүүнүн тартиби» аталышындагы аймактык семинар өткөрдү.
Семинарда мөмөлүү өсүмдүктөрдүн бактериалдык күйүк оорусуна каршы күрөшүү чаралары жөнүндө илимий изилдөөлөр туурасында маалымат берүү менен алманын жана алмуруттун бактериалдык күйүк оорусуна туруктуу сорттору жана бактериалдык күйүк оорусу учурунда агротехникалык иш-чараларды өткөрүү эрежелери менен тааныштырылды. Ошондой эле, семинардын катышуучуларына мөмөлүү бактарды өстүрүүчү кеңештер берилди.
